នាព្រឹកថ្ងៃទី ២៥ ខែកក្កដា ឆ្នាំ២០២១ លោកជំទាវ ឃួន ឃុនឌី សមាជិកាគណៈកម្មការទី៥ព្រឹទ្ធសភា និងជាសមាជិកា ព្រឹទ្ធសភាប្រចាំភូមិភាគទី៨ បានអញ្ជើញចូលរួមក្នុងពិធីសំណេះសំណាលដាំកូនឈើចំនួន៥០០ដើមនៅទីទួលដីសហគមន៍ របស់ប្រជាពលរដ្ឋនៅភូមិល្វាជោម ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ ។ នៅក្នុងពិធីដាំកូនឈើនោះដែរមា នការអញ្ជើញចូលរួមពីលោកស្រីអភិបាល នៃគណៈអភិបាលរងស្រុក កងកម្លាំងទាំងបី លោកមេឃុំ លោកមេភូមិ និងតំណាងសហគមន៍។ នៅក្នុងឱកាសនោះលោកជំទាវបានផ្តាំផ្ញើឱ្យបងប្អូនប្រជាពលរដ្ឋទាំងអស់ត្រូវការពារព្រៃឈើ ថែរក្សាបរិស្ថានព្រៃឈើជាពិសេសរស់នៅតាមបែបគន្លងថ្មី និងត្រូវអនុវត្តឱ្យបានជាប្រចាំនូវវិធានការបីការពារ បីកុំ នឹងចូលរួមចាក់វ៉ាក់សាំងឱ្យបានគ្រប់គ្នា។ ជាកិច្ចបញ្ចប់លោកជំទាវ បានជូននូវក្រមាម្នាក់មួយៗនិងថវិកាមួយចំនួន។